Ўзбекистон ва Россия иқтисодиётни сув ва иқлим шароитига мослаштириш бўйича ҳамкорликда тадқиқот олиб боради

Музокаралар чоғида Ўзбекистон иқтисодиётини сув-иқлим инқирозига мослаштириш ва жаҳон иқтисодиётининг яшил трансформациясига йўналтирилган лойиҳанинг истиқболлари муҳокама қилинди. Ташаббус 2025–2026 йилларда амалга оширилиши режалаштирилган.

Россия томони Ўзбекистон иқтисодиётини ўзгарувчан сув ва иқлим шароитларига ўрта ва узоқ муддатли мослаштириш бўйича асосли стратегияларни ишлаб чиқишга қаратилган қўшма илмий тадқиқотларни ташкил этишни таклиф қилди. Амалий тавсияларнинг тайёрланиши нафақат сув ва иқлим муаммоларини иқтисодий ва сиёсий таҳлил қилиш бўйича Ўзбекистон эксперт марказларининг ваколатларини кучайтириш, балки икки давлат ўртасидаги илмий ҳамкорликни ривожлантириш йўлидаги муҳим қадам бўлиши таъкидланди.

Вазир ушбу лойиҳа илмий тадқиқот ҳамкорлиги, шунингдек, Марказий Осиё минтақасида билим ва технологиялар алмашинуви учун асосий платформага айланиши мумкинлигини таъкидлади. Шу муносабат билан ишчи гуруҳ тузиб, Марказий Осиё атроф-муҳит ва иқлим ўзгаришини ўрганиш университетига (Green University) сув ресурсларини бошқариш соҳасидаги мутахассислар билан ўзаро ҳамкорлик қилиш учун ўқув ташрифини ташкил этишга ҳам эътибор қаратилди.

Тадқиқот натижалари асосида “2050 йилгача Ўзбекистон иқтисодиётини сув-иқлим шароитлари ўзгаришига мослаштириш стратегияси” ишлаб чиқилиши кўзда тутилган.

Томонлар, шунингдек, 2025 йилда ҳамкорликни кенгайтириш, жумладан, ўзаро манфаатли натижаларга эришиш учун “Атроф- асраш ва "яшил" иқтисодиёт йили” доирасида қўшма илмий лойиҳаларни амалга ошириш ва мунтазам маслаҳатлашувлар ўтказишга келишиб олдилар.