ЕТТБ вакили билан телекоммуникация ва IТ-секторларида рўй бераётган ўзгаришлар хусусида гаплашилди

Учрашувда дастлаб, вазир Ш. Шерматов мамлакатда рақамлаштириш, телекоммуникация, аҳолини юқори тезликдаги интернет билан таъминлаш борасида амалга оширилган ишлар ҳақида маълумотлар бериб ўтди.

Шунингдек, Ўзбекистонда телекоммуникация ва IТ-секторларида рўй бераётган ўзгаришлар, олиб борилаётган ислоҳотлар мобил ҳамда кенг полосали интернетни ривожлантириш борасида қилинаётган ишлар хусусида гаплашилди.

Бундан ташқари, хусусийлаштириш ташаббуслари ва рақамлаштиришга қаратилган саъй-ҳаракатлар, телекоммуникация соҳасидаги долзарб масалалар, ЕТТБнинг Ўзбекистонда рақамлаштириш йўналишда келгусидаги қўллаб-қувватлаш имкониятлари муҳокама қилинди.

Шу билан бирга, Европа тикланиш ва тараққиёт банки вакили Рақамли технологиялар вазирлиги билан келгусида биргаликда қўшма лойиҳаларни амалга оширишдан мамнунлигини билдирди.