Учрашувда муҳим йўналишлар бўйича ҳамкорлик истиқболлари муҳокама қилинди. Жумладан, Ўзбекистонда IT хизматларини янада ривожлантириш ҳамда маҳаллий ёш ва малакали кадрларни юқори даромадли иш ўринлари билан таъминлаш имкониятлари кўриб чиқилди.

Шунингдек, IT Park ва NTDP ўртасида маҳаллий стартаплар учун акселерация дастурини яратиш ҳамда Ўзбекистоннинг технологик салоҳиятга эга стартапларини ривожлантиришда ҳамкорлик қилиш масалаларига эътибор қаратилди.

2025 йил 9-12 февраль кунлари Саудия Арабистони, Ар-Риёдда бўлиб ўтадиган IT стартаплари учун ташкил этиладиган “LEAP 2025” тадбирларида ўзбекистонлик стартаплар иштирок этиш таклифлари ҳам муҳокама қилинди.

Учрашув якунида аниқ йўналишлар бўйича ҳамкорликни амалга ошириш учун қўшма ишчи гуруҳини ташкил этишга келишилди. Бу ҳамкорлик Ўзбекистоннинг технологик салоҳиятини янада ошириш ҳамда IT хизматлари экспортини ривожлантиришга муҳим туртки бўлади.

Маълумот учун: Сиз ҳам Саудия Арабистони, Ар-Риёдда бўлиб ўтадиган IT стартаплари учун ташкил этиладиган “LEAP 2025” тадбирларида иштирок этиш учун жорий йил 24 декабрь кунига қадар рўйхатдан ўтишингиз мумкин.