Ўзбекистон шахмат федерациясининг йиғилиши бўлиб ўтди
2024-10-04 14:05:00 / Янгиликлар
Бугун, 4 октябрь куни пойтахтимиздаги Ёшлар ижод саройида Ўзбекистон шахмат федерациясининг навбатдан ташқари Конференцияси йиғилиши бўлиб ўтди.
Йиғилишда ҳудудлардан сайланган делегатлар, Федерация аъзолари, вазирлик ва идоралар раҳбарлари, давлат ва жамоат ташкилотлари вакиллари, шахмат усталари, мураббийлар ҳамда фахрийлар иштирок этди.
Конференция кун тартибига биноан Ўзбекистон шахмат федерациясининг янги таҳрирдаги устави тасдиқланди ва Федерациянинг янги раҳбарлари сайланди.
Хусусан, шахмат фахрийси Синдаров Комил Ойдинович – Ўзбекистон шахмат федерацияси раисининг ўринбосари, Ёшлар ишлари агентлиги директори Саъдуллаев Алишер Зафар ўғли – Ўзбекистон шахмат федерацияси раисининг биринчи ўринбосари, Ўзбекистон Республикасининг Бош вазири Арипов Абдулла Нигматович – Ўзбекистон шахмат федерацияси раиси лавозимига сайланишди.