Ўзбекистон: пахта етиштиришда янгича ёндашув ва янгича ишлаш давр талаби

Вазир ўз нутқи давомида мазкур конференцияда айнан Ўзбекистон мезбон бўлганлигини сўнгги йилларда Президентимиз Шавкат Мирзиёевнинг амалга ошираётган ислоҳотларининг натижаси дея таъкидлаб ўтди.

Шунингдек вазир, мамлакатмиз пахта саноати тарихи, бугунги кундаги ислоҳотлар ҳақида батафсил маълумотлар бериб ўтди. Хусусан, илк бор юртимизда жорий йилдан эътиборан хорижий ғўза навларини экиш амалиёти йўлга қўйилганлигини, эрта пишар навларни яратилганлигини, 76 лик схема асосида, плёнка остига, қўшқатор қилиб, томчилатиб суғориш технологияларини қўллаган ҳолда Хитой тажрибасининг йўлга қўйилганлигини айтиб ўтди.

Бундан ташқари вазир геномика соҳасида сўнгги пайтларда олиб борилган амалий ишлар ҳақида ҳам маълумот бериб ўтди. АҚШлик олимлар билан биргаликда гермоплазмалар тадқиқотини олиб борилиб, Мексикада тажрибадан ўтказилганлиги ҳамда маҳаллий навлар ҳақида бирма бир тўхтаб ўтилди.

Юртимизда пахта етиштириш, уни парваришлаш, сифатли ҳосил олиш ва турли навларни тажрибадан ўтказиш борасида кенг кўламли, натижага йўналган агролойиҳалар амалга ошириб келинмоқда. Бу йил ҳам кенг далаларда худди шу йўсинда тизимли, ҳамкорликка асосланган ғўзани етиштириш амалиёти олиб борилди.

Бундай ютуқлар Ўзбекистонда олиб борилаётган қишлоқ хўжалиги ислоҳотлари, шунингдек, тўғри агротехник тадбирларнинг натижаси сифатида эътироф этиш мумкин.