Учрашув давомида Ўзбекистон ва Иордания ўртасидаги бугунги кунга қадар маданият соҳасида амалга оширилган ҳамкорлик ишлари ҳақида сўз юритилди.  

"Ўзининг бой тарихи ва маданиятига эга Ўзбекистон Иордания билан кўп йиллик алоқага эга. Кўп томонлама ҳамкорлик алоқаларимиз Таълим, фан ва маданият масалалари бўйича ислом ташкилоти – AYSESKO доирасида ҳам кенгайиб, ривожланиб бормоқда. Иккала халқ ҳам ўз қадрятларини тарихий довонлар оша шакллантириб бўлган ва жаҳон маданиятлари орасида ўзининг алоҳида таъсир кучига эга бўлган қадимий меросларнинг сақловчиларидир. Келажакда ташкилот доирасида ва икки томонлама муносабатларимизни ривожлантириш, моддий ва номоддий маданий мерос ҳамда санъатнинг бошқа турли соҳаларида алоқаларимизни мустаҳкамлаш асосий мақсадимиз бўлишига умид қилиб қоламан",  - деди Иордания Ҳошимийлар Қироллигининг маликаси Дана Фирас зоти олиялари.

Учрашув якунида икки томонлама ҳамкорликни янада кенгайтириш учун қўшма таълим дастурлари, қўшма моддий ҳамда номоддий маданий мерос лойиҳалари, икки томонлама ижодий алмашинувлар, ижодий саноатни рағбатлантириш ташаббуслари таклиф этилди.