Инвестиция лойиҳаларининг ижроси ва уларни амалга оширишдаги масалалар кўриб чиқилди
2026-09-30 09:55:00 / Янгиликлар
Айрим инвестиция лойиҳаларининг ижроси ва уларни амалга оширишдаги масалалар Бош вазир ўринбосари Жамшид Ходжаев бошчилигидаги Ҳукумат комиссияси томонидан жойида кўриб чиқилди.
Сергели — пойтахтимизнинг логистика, автомобилсозлик, қурилиш материаллари ишлаб чиқариш, тўқимачилик ва озиқ-овқат саноати каби кўплаб йўналишларда инвестиция лойиҳалари ривожланаётган ҳудудларидан бири.
2026 йилда туманга $700 млн хорижий инвестиция жалб этиш, $458,7 млн лик экспортни таъминлаш, $250,3 млн лик лойиҳаларни ишга тушириш ва 2,5 минг та янги иш ўрни яратиш режалаштирилган.
Январь–август ойларида туманга $431,4 млн хорижий инвестиция жалб этилди, экспорт ҳажми $208,3 млн ни ташкил қилди.
🔷 Комиссиянинг биринчи манзили — "First Dry Port Terminal" бўлди. Бу ерда 22 гектар майдонда қиймати $90 млн бўлган логистика маркази — қуруқ порт ташкил этилмоқда. 2024–2027 йилларга мўлжалланган лойиҳа доирасида 150 та иш ўрни яратилади.