Афғонистон бўйича C5+1 форматида (Марказий Осиё+АҚШ) махсус вакиллар даражасидаги махсус сессия йиғилиши тўғрисида
2023-08-01 10:05:29 / Янгиликлар
Тадбир давомида афғон инқирозини ҳал этиш, мамлакатга тез фурсатда гуманитар ва бошқа ёрдам кўрсатиш бўйича халқаро саъй-ҳаракатлар муҳокама қилинди.
Томонлар Афғонистондаги мавжуд вазият, халқаро ҳамжамиятнинг мамлакатнинг янги ҳукуматига нисбатан мужассамлашган позициясини ривожлантириш, Афғонистонда барқарор ва узоқ муддатли тинчлик ўрнатиш истиқболлари юзасидан фикр алмашдилар.
Иштирокчи давлатлар вакиллари Афғонистонда инсон ҳуқуқларига риоя этилиши ҳақида сўз юритиб, Толибон томонидан жаҳон ҳамжамиятининг талабларини бажариш бўйича биргаликдаги саъй-ҳаракатларни давом эттириш муҳимлигини таъкидладилар.
Хусусан, форум иштирокчилари афғонистонлик аёллар ва қизларнинг таълим олиш ва меҳнат қилиш ҳуқуқларини таъминлаш муҳимлигини таъкидлаб, Афғонистон халқига инсонпарварлик ёрдами кўрсатиш зарурлигини таъкидладилар.
Марказий Осиё давлатлари ва АҚШнинг махсус вакиллари минтақадаги террорчилик таҳдидларига қарши биргаликда курашиш, шунингдек, Афғонистон ҳудудини халқаро террорчилик ташкилотлари учун хавфсиз бошпанага айлантиришнинг олдини олиш борасида бир овоздан фикр билдирди.