Қозоғистон билан спорт соҳасидаги ўзаро ҳамкорликни ривожлантириш масалалари муҳокама қилинди
2026-09-17 10:10:00 / Янгиликлар
Ўзбекистон Республикаси Спорт вазири Адкҳам Икрамов Қозоғистон Республикасининг Ўзбекистон Республикасидаги Фавқулодда ва Мухтор Элчиси Эрали Туғжанов билан учрашди.
Мулоқот давомида икки мамлакат ўртасидаги дўстона муносабатлар, шунингдек, спорт соҳасидаги ҳамкорликни янада ривожлантириш ва мустаҳкамлаш масалалари муҳокама қилинди.
Учрашувда спортчилар тайёргарлигини такомиллаштириш, халқаро мусобақаларда ўзаро тажриба алмашиш, спорт делегациялари ташрифларини кенгайтириш ҳамда истиқболли йўналишларда ҳамкорликни йўлга қўйиш юзасидан фикр алмашилди.
Томонлар икки давлат спорт ташкилотлари ўртасидаги алоқаларни янада фаоллаштириш ва ўзаро манфаатли лойиҳаларни амалга ошириш муҳимлигини қайд этдилар.
Учрашув якунида ўзаро манфаатли алоқаларни изчил давом эттиришга келишиб олинди.