Ўзбекистон ва Швейцария ўртасидаги икки томонлама ҳамкорлик масалалари муҳокама қилинди

Учрашув давомида Ўзбекистон ва Швейцария ўртасидаги икки томонлама ҳамкорлик масалалари муҳокама қилинди. Хусусан, интеллектуал мулк, юридик таълим, илм-фан соҳалари ва бошқа масалаларда ҳамкорликни янада ривожлантириш истиқболлари юзасидан фикр алмашилди.

Мулоқот чоғида Адлия вазирлиги ва Швейцария Федерал интеллектуал мулк институти ўртасида тўғридан-тўғри алоқаларни йўлга қўйиш, Тошкент давлат юридик университети ҳамда Женева, Фрибур ва Швейцариянинг бошқа етакчи университетлари ўртасида талаба ва профессор-ўқитувчилар алмашинуви, қўшма тадқиқотлар ҳамда мутахассислар малакасини оширишга қаратилган ўзаро манфаатли ҳамкорлик ўрнатиш ташаббуси илгари сурилди.

Учрашув якунида томонлар икки мамлакат ўртасидаги кенг қамровли ҳамкорликни изчил давом эттиришга келишиб олдилар.