Ўзбекистон ва БАА ташқи ишлар вазирлари Абу-Дабида икки томонлама ҳамкорликни янада фаоллаштириш ва халқаро ташкилотлар доирасида изчил мулоқотни ривожлантириш масалаларини муҳокама қилдилар
2023-06-20 16:20:59 / Янгиликлар
Ўзбекистон ташқи ишлар вазири Бахтиёр Саидов Абу-Дабида Бирлашган Араб Амирликлари ташқи ишлар вазири шайх Абдулла бин Зоид Ол Наҳаён билан билан учрашди
«Абу Дабида азиз биродарим, Бирлашган Араб Амирликлари ташқи ишлар вазири Шайх Абдулла бин Зоид Ол Наҳаён Ҳазрати Олийлари билан учрашганимиздан мамнунмиз, - деб ёзди Ўзбекистон ТИВ раҳбари ўзининг telegram каналида. Ўзбекистон- БАА алоқалари савдо, сармоя, инновациялар, «яшил» энергетика, қишлоқ хўжалиги, логистика, транспорт ва бошқа соҳаларда жадал ривожланиб бормоқда. Бизнинг кенгайтирилган кун тартибимиз икки томонлама ҳамкорликни янада фаоллаштириш ва халқаро ташкилотлар доирасида изчил мулоқотни ривожлантириш бўйича таклифларни қамраб олди. Ўзбекистон ва БАА ташқи ишлар вазирликлари ўртасидаги алоқаларда ўзаро манфаатли мулоқотни бойитиш бўйича ҳам вазифаларни белгилаб олдик».