Ўзбекистонда SI инфратузилмасини ривожлантириш бўйича NVIDIA ва Firebird компаниялари билан ҳамкорлик масалалари муҳокама қилинди
2026-04-29 15:20:00 / Янгиликлар
Рақамли технологиялар вазири Шерзод Шерматов, NVIDIA компаниясининг глобал SI инфратузилмасини ривожлантириш бўйича вице-президенти Ниcоло Cапрез, Firebird компаниясининг Президенти Алехандр Есаян ҳамда Бошқарувчи директори Размиг Ҳовагҳимиан ўртасида сунъий интеллект инфратузилмасини ривожлантириш истиқболларига бағишланган учрашув бўлиб ўтди.
Учрашув давомида меҳмонларга Ўзбекистонда сунъий интеллект соҳасида амалга оширилаётган ислоҳотлар, жумладан Қорақолпоғистон Республикасида сунъий интеллект дата марказлари учун берилаётган имтиёз ва преференциялар, мамлакатда сунъий интеллект йўналишида амалга оширилаётган лойиҳалар ҳамда малакали мутахассисларни тайёрлаш бўйича олиб борилаётган ташаббуслар тақдим этилди.
Шунингдек, NVIDIA ва Firebird компаниялари вакиллари томонидан йирик сунъий интеллект инфратузилма лойиҳаси тақдим этилди. Лойиҳа доирасида юқори қувватли (125 МWдан 250 МWгача кенгайтириладиган) SI маълумотлар марказини барпо этиш таклифи муҳокама қилинди.