Халқаро ҳамкорлик
2026-03-24 16:25:00 / Янгиликлар
Музокаралар давомида томонлар устувор йўналишлар, жумладан, саноат машинасозлиги, қишлоқ хўжалиги ва заргарлик тармоғида ҳамкорликни кенгайтиришга тайёр эканликларини билдирдилар. Хусусан, Гомел вилояти билан ёғочсозлик, гўшт-сут маҳсулотлари ишлаб чиқариш ва қишлоқ хўжалиги техникаси соҳаларида янги қўшма лойиҳаларни амалга ошириш масалалари муҳокама қилинди.
Ўзаро савдо ҳажмининг ўсиши қайд этилди: 2025 йил якунларига кўра Гомел вилоятининг Ўзбекистон билан товар айирбошлаш ҳажми 50 млн долларни ташкил этди, шу билан бирга жорий йилнинг январь ойида савдо айланмаси 1,5 бараварга ошгани кузатилди.
Учрашув якунида ҳамкорликни янада чуқурлаштириш бўйича қўшма "Чора-тадбирлар режаси"ни ишлаб чиқиш ва қабул қилиш, шунингдек, янги ташаббусларни батафсил ишлаб чиқиш учун Ўзбекистон делегациясининг Беларус Республикасига ташрифини ташкил этиш бўйича келишувга эришилди.