Huawei ME&CA президенти билан рақамлаштириш, қўшма таълим дастурларини амалга ошириш масалалари муҳокама қилинди

Унда АКТ инфратузилмаси, тармоқларни рақамлаштириш, шунингдек,ёшларни қўллаб-қувватлаш ва мутахассислар малакасини ошириш бўйича таълим дастурларини амалга ошириш масалаларига эътибор қаратилди.

Учрашувда “Рақамли Ўзбекистон 2030” ривожланиш стратегиясини амалга ошириш доирасида Ўзбекистонда маҳаллий алоқа операторлари билан ҳамкорликда амалга оширилган ишлар муҳокама қилинди.

Йиғилишда соҳа мутахассисларининг АКТ кўникмаларини ошириш ва мавжуд АКТ академиялари ва “Seed for the Future” ташаббуси асосида ёш истеъдодлар учун таълим лойиҳаларини ўтказиш, шунингдек, маҳаллий олий ўқув юртларида рақамли технологияларни жорий этишга алоҳида эътибор қаратилди.

Шунингдек, Huawei компанияси билан АКТ инфратузилмасини такомиллаштириш соҳасида узоқ муддатли ҳамкорликни давом эттириш, IT соҳасида ёшларнинг ўрнини янада ошириш бўйича таклифлар берилди.