Ўзбекистон Миллий матбуот марказида Ўзбекистон Республикаси Президентининг 2024 йил 21 февралдаги ""Ўзбекистон - 2030" стратегиясини "Ёшлар ва бизнесни қўллаб-қувватлаш йили"да амалга оширишга оид давлат дастури тўғрисида"ги ПФ-37-сон Фармонида белгиланган вазифалардан келиб чиқиб, "Янги Ўзбекистон - маърифатли жамият" тамойили асосида хотин-қизларимизнинг жамиятдаги ўрнига бағишланган семинар ўтказилди.  Семинарда, Бош вазир ўринбосари Маҳкамова Зулайхо Баҳриддиновна, Тошкент шаҳар ҳокими ўринбосари Султанова Шаҳноза Абдувахитовна ҳамда Ўзбекистон Республикаси Дин ишлари қўмитаси, Республика маънавият ва маърифат маркази ва Ўзбекистон халқаро ислом академиясидан раҳбар ва профессорлар иштирок этдилар.

Қатнашчиларга, "Янги Ўзбекистонда амалга оширилаётган маънавий ва маърифий ислоҳотлар", "Хотин-қизлар маърифати – мамлакат тараққиёти пойдевори" мавзуларида тушунтириш берилиб, Мамлакатимизда аёлга бўлган муносабат ўз тарихий илдизларига эгалиги, аёл — оила ва жамият устуни, ҳаётимизнинг файзи ва кўрки эканлиги ҳақида фикрлар билдирилди.