Қатар билан ҳаво қатнови орқали юк ва йўловчи ташувлари ривожлантирилади
2024-06-05 09:20:00 / Янгиликлар
Транспорт вазири Илҳом Махкамов Қатар фуқаро авиацияси раҳбари Муҳаммад Фалеҳ Ал Ҳажри билан учрашди.
Учрашувда мамлакатларимиз ўртасида ҳаво қатнови орқали юк ва йўловчи ташувларини ривожлантириш масалалари муҳокама этилди.
Томонлар Ўзбекистон ва Қатар пойтахтлари ўртасида йўлга қўйилган мунтазам авиақатновлар сонини ҳафтасига 4 тадан 7 тага олиб чиқиш, шунингдек, келгусида Доҳа ва Ўзбекистоннинг вилоят аэропортларини боғлаш масалалари юзасидан фикр алмашди.
Қатар фуқаро авиацияси ҳукумати раҳбари Муҳаммад Фалеҳ Ал Ҳажри жаноблари “Qatar airways” авиакомпаниясининг Ўзбекистонга парвозлари Доҳа ва Тошкент халқаро аэропортларини транзит авиайўловчилар учун келгусида энг мақбул йўналиш сифатида танлашлари учун хизмат қилишига ишонч билдирди.