Фаластин озодлик ташкилоти ижроия қўмитаси Бош котиби Жибрил Маҳмуд Муҳаммад ал-Ражуб билан учрашув тўғрисида

Учрашувда Ўзбекистон ва Фаластин ўртасидаги муносабатларнинг ҳозирги ҳолати ва истиқболлари муҳокама қилинди, сиёсий мулоқотни янада мустаҳкамлаш ва кўплаб соҳаларда ҳамкорликни кенгайтиришдан ўзаро манфаатдорлик тасдиқланди.

Ўзбекистон Фаластин халқи учун тинчлик, барқарорлик ва изчил тараққиётга эришишга қаратилган интилишларни доимо қўллаб-қувватлаб келаётгани қайд этилди. Шунингдек, Ғазо халқининг равнақи ва фаровонлигини таъминлаш борасидаги инсонпарварлик саъй-ҳаракатларига кўмаклашишга мамлакатимизнинг содиқлиги яна бир бор таъкидланди.