Адлия вазири Венгрия Интеллектуал мулк идораси президенти билан учрашди

Учрашувда Ўзбекистон ва Венгрия ўртасидаги интеллектуал мулк соҳасидаги ҳамкорликнинг ҳозирги ҳолати ва истиқболлари муҳокама қилинди.

Акбар Ташкулов Ўзбекистонда интеллектуал мулк тизимини модернизация қилиш бўйича амалга оширилаётган ислоҳотлар, хусусан, сўнгги йилларда рўйхатдан ўтказилган интеллектуал мулк объекти сони икки бараварга ошгани, миллий қонунчилик Жаҳон Савдо Ташкилотининг TRIPS битими талабларига тўлиқ мослаштирилганлигини алоҳида таъкидлади.

Шунингдек, географик кўрсаткичларни ҳуқуқий муҳофаза қилиш, минтақавий брендларни ривожлантириш ҳамда контрафакт маҳсулотларга қарши курашиш бўйича кўрилаётган чоралар муҳокама қилинди.

Учрашув якунида Ўзбекистон Республикаси Адлия вазирлиги ҳамда Венгрия интеллектуал мулки идораси ўртасида 2026-2027 йиллар учун ҳамкорлик дастури имзоланди.