Кураш бўйича нуфузли мусобақаларга кўрилаётган тайёргарлик муҳокама қилинди
2023-04-25 18:05:58 / Мажлислар
Йиғилишни Ўзбекистон Республикаси Ёшлар сиёсати ва спорт вазири, Халқаро кураш ассоциацияси биринчи вице-президенти Адхам Икрамов олиб борди. Йиғилишда Халқаро кураш ассоциацияси президенти, Осиё Олимпия кенгашининг Осиё ўйинлари департаменти Бош директори Ҳайдар Фармон ва кураш бўйича мутахассислар иштирок этишди.
Жорий йилнинг 25–30 апрель кунлари Хитойнинг Ханчжоу шаҳрида кураш бўйича катталар ўртасида Осиё чемпионати ва унинг доирасида 30 апрель куни Ўзбекистон Республикаси Президенти кубоги учун (WORLD SERIES PRO) мусобақанинг саралаш босқичи ўтказилади. Осиё чемпионатида Ўзбекистон миллий терма жамоасидан 15 нафар спортчи (шундан 8 нафар аёллар) иштирок этади.
Осиё чемпионати доирасида 7 та вазн тоифасида 30 апрель куни мукофот жамғармаси 22,750 АҚШ долларни ташкил этадиган Ўзбекистон Республикаси Президенти кубоги учун (WORLD SERIES PRO) мусобақанинг саралаш мусобақаларига Ўзбекистон кураш федерацияси билан ҳамкорликда пухта тайёргарлик кўриш бўйича мутасаддиларга кўрсатмалар берилди.
Йиғилиш якунида А. Икрамов мусобақаларда иштирок этадиган спортчиларимизга омад тилади.