"Poti New Terminals” Консорциуми билан ҳамкорликни ривожлантириш масалалари муҳокама этилди

Учрашувда И.Махкамов Шимол–Жануб ва Шарқ–Ғарб йўналишидаги халқаро транспорт йўлакларини ривожлантириш Ўзбекистон учун муҳимлигини таъкидлаб, ушбу жараёнда Грузия ҳудудидан ўтадиган Ўрта йўлакнинг алоҳида аҳамиятга эга эканлигини қайд этди. Шу нуқтаи назардан, мазкур йўлакнинг муҳим бўғини ҳисобланган Поти порти билан ҳамкорликни кенгайтириш долзарб аҳамият эга эканлигини таъкидлаб ўтди.

Д. Чикваидзе Транспорт вазирлигининг Грузия Барқарор ривожланиш ва инфратузилма вазирлиги билан ҳамкорлик муносабатларини юқори баҳолади ва Консорциум вазирликлар ўртасидаги стратегик келишувларни амалда жорий этишга тайёр эканлигини билдирди.

Т.Чхиквишвили Грузия томони Ўзбекистон юк жўнатувчилари ва бизнес ҳамжамияти вакиллари билан ҳамкорлик алоқаларини кенгайтиришга қизиқиши юқори эканлигини таъкидлади.

Музокаралар якунида И.Махкамов Ўзбекистон ташувчилари учун ҳар томонлама қулай шарт-шароитлар яратиш муҳимлигини таъкидлади. Консорциумнинг амалий имкониятларини батафсил ўрганиш мақсадида Транспорт вазирлиги, “Ўзбекистон темир йўллари” АЖ ва бизнес ҳамжамияти вакиллари учун сайёр тур ташкил этишни таклиф этди.