Халқаро автомобиль федерацияси билан мамлакатимизда автомобиль спортини ривожлантириш ва ҳаракат хавфсизлиги масаласида давра суҳбати бўлиб ўтди

Мазкур ҳафталик доирасида юртимизга ташриф буюрган FIA Президенти Муҳаммад бин Сулайм кеча Ўзбекистон Республикаси Президенти Шавкат Мирзиёев билан учрашди. 

Бугун Тошкент шаҳри ИИББда Халқаро автомобиль федерацияси (FIA) делегацияси ҳамда вазирлик идора раҳбарлари иштирокида йўл ҳаракати хавфсизлигини такомиллаштиришга бағишланган давра суҳбати бўлиб ўтди.

Тадбирда, Ўзбекистон Республикаси Президентининг спорт бўйича вакили Одил Абдураҳмонов, Спорт вазири Адкҳам Икрамов, Ички Ишлар вазири Азиз Тошпўлатов, Миллий Олимпия қўмитаси раисининг биринчи ўринбосари Отабек Умаров, Транспорт вазирининг биринчи ўринбосари Маманбай Омаров ҳамда тегишли вазирлик ва идоралар раҳбар ўринбосарлари ва мутахассислар иштирок этди.

Шунингдек тадбирда FIAнинг автомобиль мобиллиги ва туризм бўйича висе-президенти Тим Ширман, FIA Бош котиби Виллем Грёневалд иштирок этди. 

Учрашув давомида меҳмонларга мамлакатимизда автомобиль соҳаси, йўл инфратузилмаси йўналишларида, шунингдек автоспорт турларини ривожлантириш борасида амалга оширилаётган ишлар юзасидан маълумот берилди.

Меҳмонларга йўл ҳаракати хавфсизлигини таъминлаш мақсадида қўлланиладиган махсус техника ва транспорт воситалари ва ахборот тизимлари имкониятлари намойиш этилди.

Тадбирда FIA билан йўл ҳаракати хавфсизлигини таъминлаш, йўлларда тирбандликларни камайтириш, сунъий инттелект имкониятларидан  кенг фойдаланиш, йўналишларида ўзаро илғор тажрибаларни алмашиш юзасидан фикр алмашилди.

Шу билан бирга учрашув давомида илғор халқаро тажрибани ўрганиш ва амалиётга татбиқ этиш мақсадида FIA билан ҳамкорликда йўл харитаси ишлаб чиқиш , тегишли чора-тадбирларни амалга оширишга келишиб олинди.