CAREC’нинг 24-Вазирлар конференциясида иштирок

Очилиш маросимида у савдо ва инвестиция ҳамкорлигини кенгайтириш муҳимлигини таъкидлади, шунингдек, CAREC Савдони ва инвестицияларни қўллаб-қувватлаш тўғрисидаги битим (CARTIF) бўйича музокараларни бошлаш ташаббусини қўллаб-қувватлади.

Сессиялар доирасида Вазир Ўзбекистоннинг технологиялар ва рақамли инфратузилмани ривожлантириш, минтақавий боғлиқликни кучайтириш, транспорт-логистика занжирларини модернизация қилиш ҳамда иқлим хавфларига чидамлиликни ошириш бўйича таклифларини тақдим этди. Инсон капитали, инновациялар ва рақамли трансформация йўналишларини ривожлантириш бўйича устувор вазифалар алоҳида қайд этилди.

Йиғилишлар якунида бир қатор муҳим ҳужжатлар имзоланди. Жумладан, CAREC мамлакатларида электрон алмашинув ва мувофиқлик сертификатларини ўзаро тан олиш бўйича пилот моделга доир Англашув меморандуми, шунингдек, CAREC инновациялар ва венчур инвестициялари катализатори фондини ташкил этиш тўғрисидаги Меморандум имзоланди.

Ўзбекистоннинг конференциядаги иштироки минтақавий ҳамкорликни ривожлантиришга содиқлигини ҳамда иқтисодий алоқаларни мустаҳкамлаш ва бизнес учун имкониятларни кенгайтиришга қаратилган янги лойиҳаларни илгари суришга тайёр эканлигини яна бир бор тасдиқлади.