Ўзбекистон Қозоғистонга инсонпарварлик ёрдами юборди

Инсонпарварлик ёрдами юкини шакллантириш ҳамда белгиланган манзилга етказиб бериш билан боғлиқ ташкилий масалаларга қаратилган Вазирлар Маҳкамасининг фармойиши қабул қилинди.

Мазкур ҳужжатда Мудофаа, Ташқи ишлар, Фавқулодда вазиятлар, Транспорт ва бошқа бир қатор тегишли вазирлик ҳамда идоралар инсонпарварлик ёрдами юкини шакллантириш, етказиб бериш ва топшириш ишларини мувофиқлаштирувчи сифатида белгиланган.

Инсонпарварлик ёрдами юкини Ўзбекистон Республикаси Президентининг маслаҳатчиси Т. Худайбергенов бошчилигидаги ишчи гуруҳ Қозоғистон Республикасига етказиб беради.

15 та катта юк ҳажмли автоуловлардаги инсонпарварлик ёрдамида озиқ-овқат маҳсулотлари, аёллар, болалар ва эркаклар уст-бош кийим-кечаклари, кўрпача, ёпинғич, ёстиқлар, гигиеник воситалар, махсус қурилмали чодирлар, резина қайиқ тўпламлари ва бошқа зарур маҳсулотлар ўрин олган.