Ҳамкорликда профилактик тадбирлар ўтказилди
2026-01-29 15:10:00 / Янгиликлар
Ҳарбийлаштирилган кон-қутқарув қисмининг “Олмалиқ КМК” АЖ “Ангрен кон бошқармаси” тасарруфидаги объектларда кон-қутқарув ишларини амалга оширувчи Ҳарбийлаштирилган кон-қутқарув отряди томонидан Самарчуқ конининг “Чумаук” участкаларида, шунингдек, “Ўзбек геология қидирув” АЖга қарашли “Шарқий Қурама” дала экспедициясининг Шимолий-Ғарбий участкаларида профилактик тадбирлар ўтказилди.
Мазкур тадбирлар ер ости тоғ-кон объектларида юзага келиши мумкин бўлган аварияларни олдини олиш, ишлаб чиқариш хавфсизлигини таъминлаш ҳамда белгиланган хавфсизлик талабларига риоя этилишини назорат қилиш мақсадида ташкил этилди.
Профилактик тадбирлар давомида ер ости тоғ-кон участкаларининг аварияларни бартараф этиш режалари амалдаги ҳолатга мувофиқлиги, конларнинг ҳақиқий техник ҳолати, шунингдек, захира чиқиш йўлларининг белгиланган меъёр ва талабларга мослиги кўздан кечирилди.