Инспекцияда муҳим масалалар муҳокамаси ва рағбатлантириш маросими бўлиб ўтди
2025-12-10 11:10:00 / Янгиликлар
Шундан сўнг Наманган вилояти Косонсой тумани прокурорининг жиноятчиликка олиб келувчи сабабларни аниқлаш ва уларни бартараф қилишга оид тақдимномаси ўқиб эшитилди. Унда икки тадбиркорлик субъекти ҳамда Инспекциянинг Шарқий минтақавий бошқармаси мансабдор шахслари иштирокида тергов қилинган жиноят ишининг тафсилотлари, унинг оқибатлари ва келгусида бундай ҳолатларнинг олдини олиш учун кўрилиши зарур бўлган чоралар атрофлича муҳокама қилинди. Шу билан бирга айбдор ходимларга нисбатан қонунда белгиланган тартибда чора кўриш зарурлиги қайд этилди.
Йиғилишнинг яна бир муҳим қисми Геология вазирлиги тизимида ўтказилган аксилкоррупция ойлиги доирасидаги танлов натижаларини эълон қилишга бағишланди. Унга мувофиқ, Инспекциянинг коррупцияга қарши курашиш бўйича мутахассиси Жамшид Зикиров “Энг фаол Комплаенс ходими” номинациясида 1-ўринни қўлга киритгани, шунингдек, Инспекция “Коррупцияга қарши курашиш соҳасида энг самарали Комплаенс тузилмаси” номинациясида 3-ўринга лойиқ деб топилгани айтилди. Мазкур ютуқлар муносабати билан Жамшид Зикиров ва инспекция бош юрисконсульти Жалолиддин Бозорхоновга Инспекция раҳбарияти томонидан фахрий ёрлиқлар тантанали равишда топширилди. Йиғилиш давомида ўтган коррупцияга қарши кураш куни муносабати билан тайёрланган медиа-материаллар йиғилиш иштирокчиларига намойиш қилинди.