Ёш олимларни қисқа муддатли илмий стажировкаларга юбориш юзасидан ўтказилган саралаш танловлар якуний натижалари
2025-08-29 16:15:00 / Янгиликлар
Инновацион ривожланиш агентлиги (Агентлик) Ўзбекистон Республикаси Президентининг ва Вазирлар Маҳкамасининг тегишли қонунчилик ҳужжатларида белгиланган топшириқлар ижросини таъминлаш мақсадида ёш олимларни Туркиянинг “Баликесир” ва Венгриянинг “Дебреcэн” университетларига (тиббиёт, ветеринария, техника, фармацевтика фанлари бўйича) қисқа муддатли илмий стажировкага юбориш учун эълон қилинган мақсадли танловларнинг саралаш якуний натижасини маълум қилади.
Ўзбекистон Республикаси Вазирлар Маҳкамасининг 2021-йил 19-апрелдаги 222-сон қарори билан тасдиқланган “Ёш олимларни етакчи хорижий илмий ташкилотларга қисқа муддатли илмий стажировкаларга юбориш тартиби тўғрисида” низом талабларига кўра Агентлик ҳузуридаги махсус эксперт гуруҳининг 2025-йил 12-июндаги 209-сон ҳамда Илм-фанни молиялаштириш ва инновацияларни қўллаб-қувватлаш жамғармаси Кузатув кенгашининг 2025-йил 27-августдаги 18-сон йиғилиш баёни қарорига мувофиқ қуйидаги рўйхатлар маъқулланди ва тасдиқланди:
1-илова.“Туркиянинг “Баликесир” ва Венгриянинг “Дебреcен” университетларига қисқа муддатли илмий стажировкаларга юбориш мақсадида эълон қилинган мақсадли танловларда ғолиб бўлган ёш олимлар рўйхати”.
2-илова. “Туркиянинг “Баликесир” ва Венгриянинг “Дебреcен” университетларига қисқа муддатли илмий стажировкаларга юбориш рад этилган ёш олимлар рўйхати”.
Шу муносабат билан, ёш олимларни қисқа муддатли илмий стажировкаларга юбориш учун белгиланган тартибда талаб этиладиган ҳужжатларни кузатув (кафолат) хати билан тақдим этилишини таъминлашингизни сўраймиз.
Қўшимча маълумотлар ва ишчи тартибда ишлаш учун Агентликнинг масъул мутахассиси Атаева Ҳулкар, иш телефони: (71) 203 32 23 (541).