Саид Аҳмаднинг 105 йиллиги
2025-06-12 16:40:00 / Янгиликлар
Ўзбекистон Ёзувчилар уюшмаси томонидан Адиблар хиёбонида Ўзбек адабиётидаги ёрқин юлдузлардан бири, халқимизнинг севимли ёзувчиси Саид Аҳмад таваллудининг 105 йиллигига бағишланган тантанали тадбир ташкил этилди.
Тадбирда Саид Аҳмаднинг ўзбек адабиёти ривожига қўшган улкан ҳиссаси, унинг ўлмас асарлари ва халқимиз маънавиятидаги ўрни ҳақида сўз юритилди. Адибнинг ижодий мероси муҳокама қилиниб, унинг ҳикматли сўзлари ва ҳаёт йўли ёш авлодга ўрнак сифатида тақдим этилди.
Тадбирда профессор-ўқитувчилар, талабалар, Ўзбекистон Ёзувчилар уюшмаси раиси Сирожиддин Саййид, уюшма аъзолари ҳамда адабиёт ва санъат соҳаси вакиллари иштирок этди.
Шунингдек, тадбир доирасида Ўзбекистон Ёзувчилар уюшмаси аъзолари билан биргаликда “Бир ҳафтада–бир китоб” ва “Китобхон ёз – 2025”, адабиёт ва шеърият кечаси ўтказилди.