Ўзбекистон Республикаси Олий таълим, фан ва инновациялар вазирлиги ҳузуридаги Инновацион ривожланиш агентлиги

Бу рақамлар ортида илмга ишонган, ўз устида ишлаган ва янги марраларни кўзлаган ёшларнинг меҳнати мужассам. Бугун 30-июнь “Ёшлар куни"да Инновацион ривожланиш агентлигида “Академик ҳаракатчанлик” танловининг 36 нафар ёш ғолибига сертификатлар топширилди. 


Жорий йилги танловга қизиқиш ҳар қачонгидан юқори бўлди. Агар ўтган тўрт йил давомида жами 800 дан ортиқ ариза келиб тушган бўлса, 2026 йил ҳисобидаги биринчи танловга 600 дан ортиқ ҳужжат қабул қилинди. Бу эса мамлакатимизда илмий изланишларга бўлган қизиқиш тобора ортиб бораётганини кўрсатади.

Рақамларни ҳудудлар кесимида таҳлил қиладиган бўлсак 2025 йилдан буён ғолиблик бўйича етакчиликни қўлдан бермай келаётган Сурхондарё вилояти ўрнини Тошкент эгаллади. Бу эса ҳудудлар ўртасида соғлом рақобат ва илмга интилиш тобора кучайиб бораётганини англатади. 

Яна бир муҳим янгилик — танловнинг барча босқичлари илк маротаба сунъий интеллект технологиялари асосида ташкил этилди. Жиззахлик танлов ғолиби Камолиддин Якубовнинг сўзларига саралаш жараёнлари шаффоф ва холис ўтди. 

“Академик ҳаракатчанлик” — бу фақат сертификат эмас. Бу янги билимлар, янги тажриба, илмий ҳамкорлик ва катта орзулар сари очилган навбатдаги эшикдир. Бугун сертификат олган 36 нафар ёшнинг ҳар бири эртанги кун илм-фани ва инновациялари ривожига ўз ҳиссасини қўшишига умид қиламиз. 

Эслатиб ўтамиз айни дамда “Академик ҳаракатчанлик” (2026-2) танловига аризалар қабули давом этаяпти.