Самарқанд вилояти ИИБ бошлиғи полковник Раҳмат Маматов Каттақўрғон шаҳрида ўрганишлар олиб борди
2024-03-07 08:00:00 / Янгиликлар
Жумладан, вилоят ИИБ бошлиғи полковник Раҳмат Маматов Каттақўрғон шаҳрида сайёр қабул ўтказди.
Қабул давомида 25 нафар фуқаронинг 26 та турли масалалардаги мурожаатлари кўриб чиқилди.
Мурожаатчилардан тегишли тартибда аризалар қабул қилиниб, ҳуқуқий маслаҳатлар берилди.
Қўшимча ўрганиш талаб этиладиган мурожаатлар юзасидан соҳавий хизмат раҳбарларига зарурий кўрсатма ва топшириқлар берилиб, ижроси алоҳида назоратга олинди.
Шунингдек, қабулда 5 нафар ёшларга ID-карталари тантанали равишда топширилди.
Шундан сўнг, вилояти ИИБ бошлиғи Раҳмат Маматов Каттақўрғон шаҳрида ёшлар билан мулоқотда бўлди
Уларнинг муаммо ва мурожаатлари эшитилди. Ёшлар бандлигини таъминлаш, касб-ҳунар эгаллашга жалб этиш, тадбиркорлик фаолиятига кўмаклашиш борасидаги амалий вазифалар ҳам таҳлил қилинди.
Бундан ташқари, маҳаллаларда ёшларнинг бўш вақтларини мазмунли ўтказиш мақсадида турли спорт ўйинлари, маданий-маънавий тадбирлар ўтказилиши, ёшлар етакчилари ҳар бир ёш билан алоҳида ишлаши зарурлиги қайд этилди.
Шунингдек, вояга етмаганлар ўртасида ҳуқуқбузарлик ва жиноятчиликнинг олдини олиш мақсадида уларнинг ўқув машғулотларига қатнашиши қатъий назоратга олиниши юзасидан ҳам тавсиялар берилди.
Ёшларни қизиқтирган саволларга атрофлича жавоблар қайтарилди.
Ўрганиш давомида вилоят ИИБ бошлиғи полковник Раҳмат Маматов Каттақўрғон шаҳридаги “Қўшҳовуз” маҳалла фуқаролар йиғини еттилиги билан мулоқот қилди.
Мулоқот асносида “Обод ва хавфсиз маҳалла” тамойили асосида профилактик тарғибот тадбирларини кучайтириш, ижтимоий дафтарларни тўғри ва самарали ташкил этиш, ёшлар билан ишлашнинг аниқ механизмларини ишлаб чиқиш, хотин-қизлар бандлигини таъминлашдаги устувор вазифалар ҳақида кўрсатмалар берилди.
Қайд этилдики, маҳалла одамларнинг суянчи ва ишончига айланиши керак.
Маҳалла — ижтимоий кўмакка муҳтож оилаларга ёрдам бериш, жиноятчилик, оилаларда зўравонликнинг олдини олиш, аҳоли бандлиги уларнинг ижтимоий муҳофазаси, хотин-қизлар тадбиркорлигини қўллаб-қувватлаш каби масалаларни ҳал этишда асосий кўмакчи.
Самарқанд вилояти ИИБ Ахборот хизмати