Ички ишлар органлари ходимлари ўртасида спортнинг енгил атлетика тури бўйича Қашқадарё вилоят ички ишлар бошқармаси биринчилиги мусобақалари ўтказилди
2024-02-29 00:20:00 / Янгиликлар
Қарши шаҳридаги Олимпия ва паралимпия захиралари ихтисослашган мактабида ички ишлар органлари ходимлари ўртасида спортнинг енгил атлетика тури бўйича Қашқадарё вилоят ички ишлар бошқармаси биринчилиги мусобақалари бўлиб ўтди. Унда бошқарма таркибий ва ҳудудий бўлинмаларида хизмат олиб бораётган ходимлар узунликка сакраш, 100 ҳамда 5000 метр масофага югуриш баҳсларида ўзаро беллашдилар.
Вилоят ички ишлар бошқармаси ходимларининг хизмат, жанговар, жисмоний тайёргарлигини ошириш ҳамда касбий тайёргарлик даражасини янада мустаҳкамлаш мақсадида ўтказилган мусобақа қизғин ва муросасиз баҳсларга бой бўлди.
Мусобақа натижаларига кўра Яккабоғ туман ички ишлар бўлими ЖХХ ҲПБ профилактика инспектори, катта сержант Шаҳзод Холмуродов ғолиб бўлди. Навбатдаги совринли ўринларни Яккабоғ туман ички ишлар бўлими ЖХХ ҲПБ профилактика инспектори, капитан Акбар Абдиназаров ва Миришкор туман ички ишлар бўлими ЖХХ ҲПБ профилактика инспектори, лейтенант Асқарали Чориев қўлга киритишди.
Ғолиблар диплом, медаль ва қимматбаҳо совғалар билан тақдирланди.
Қашқадарё вилояти ИИБ Ахборот хизмати