Сурхондарёда ИИВ ишчи гуруҳи аъзолари томонидан ўқув семинари ташкил этилди
2024-02-28 22:30:00 / Янгиликлар
Ўзбекистон Республикаси Ички ишлар вазири томонидан тасдиқланган режа-топшириққа асосан вазирлик ишчи гуруҳи масъул ходимлари томонидан вилоят ва ҳудудий ички ишлар органлари ташкилий бўлинмалари ходимлари иштирокида тизимдаги ижрочилик интизомини таъминлаш аҳволи ва Ситуацион-таҳлилий марказ фаолиятини ўрганиш давомида аниқланган камчиликларни бартараф этиш юзасидан видеоселектор тарзида амалий ўқув семинари ўтказилди.
Ўқув семинар давомида, иштирокчиларга вазирлик Ташкилий департаменти масъул ходимлари томонидан Сурхондарё вилояти соҳавий, ҳудудий бўлинмалари ижро интизомига масъул бўлган ходимларига Ўзбекистон Республикаси Президентининг 2021 йил 10 февралдаги ПФ-6166-сон Фармони, Вазирлар Маҳкамасининг 1999 йил 12 январдаги 12-сонли қарори, Вазирликнинг 1999 йил 31 январь кунидаги “Ўзбекистон Республикаси ички ишлар идораларида назорат тизимини такомиллаштириш тўғрисида”ги ва 2017 йил 28 декабрь кунидаги “Ўзбекистон Республикаси Ички ишлар вазирлиги Ҳайъати фаолиятини ташкил этиш тўғрисида”ги тегишли буйруқлари талаблари бўйича батафсил маълумотлар берилиб, соҳада амалга оширилиши лозим бўлган чора-тадбирлар хусусида фикр алмашилиб, аниқланган камчиликларни бартараф этиш юзасидан тегишли тушунтириш ишлари олиб борилди. Ходимлар томонидан берилган саволларга мутахассислар томонидан тегишли жавоблар олинди.
Сурхондарё вилояти ИИБ Ахборот хизмати