2024 йилнинг 29-31 январь кунлари ИИВ Халқаро аэропортларда хавфсизликни таъминлаш бўйича қўшинлари базасида, Ўзбекистон Республикаси Ички ишлар вазирлиги Ҳарбий тузилмалари бўлинмаларининг 2023 йил жанговар-хизмат фаолияти якунларига доир ҳисоботи ва услубий ўқув-йиғин машғулотларига старт берилди.

Ушбу тадбирни очиб бериш учун ИИВнинг ўринбосари генерал-майор Баходир Мирзарахимов ташриф буюриб, ташкиллаштирилган ўқув-услубий йиғин машғулотларининг ўқув нуқталари, моддий базаси билан яқиндан танишди.

Йиғин давомида вазир ўринбосари, ҳозирги кунда минтақамизда ва дунёда ҳукм сураётган таҳликали вазиятлар, давлатлар ўртасидаги ўзаро ҳарбий тўқнашувлар рўй бераётган бир вақтда Қуролли Кучларимизга Президентимиз ва Вазирлик раҳбарияти томонидан қўйилаётган муҳим вазифалар тўғрисида тўхталиб ўтди.

Ташриф давомида Вазир ўринбосари, «14 январь — Ватан ҳимоячилари куни” байрами муносабати билан Ўзбекистон Республикаси ҳуқуқни муҳофаза қилувчи органлар ва Вазирлик тизимидан ўтказилган нуфузли мусобақаларда ғолибликни қўлга киритган бир қатор спортчиларни тақдирларди.

ИИВ Транспорт ва туризм объектларида хавфсизликни таъминлаш департаменти Ахборот гуруҳи