Тошкент давлат иқтисодиёт университетида талабалар ва Жазони ижро этиш департаменти ходимлари ўртасида “Мардлар қўриқлайди Ватанни” деб номланган давра суҳбати ташкил этилди
2024-01-18 15:00:00 / Янгиликлар
Тадбирда Ички ишлар вазирлиги ҳузуридаги Жазони ижро этиш департаменти “Вақт-Время” газетаси таҳририяти бош муҳаррири Тўлаган Абдуллаев ва Ахборот хизмати бошлиғи Шахризод Шокиров ўз маърузалари билан қатнашдилар .
Ушбу тадбирни ҳамкорликда ўтказишдан мақсад талабаларда энг катта бойлигимиз бўлган тинч ҳаётни асраш, халқимиз фаровонлигини таъминлаш, давлат суверенитети ва сарҳадлари дахлсизлиги, ҳудудий яхлитлигини таъминлаш борасида ҳушёр бўлишимиз зарурлиги, бу тарих ва келажак авлодлар олдидаги муқаддас бурчимиз ва мажбуриятимиз эканлигини англатишдан иборатдир.
Шунингдек, тадбирда талабаларга ИИВнинг жазони ижро этиш хизмати бўйича ҳам батафсил тушунчалар берилди. Бугунги кунда бу тизимда амалга оширилаётган ислоҳотлар, қонунчиликдаги янгиликлар ва Ўзбекистон Республикасининг Жиноят-ижроия кодекси ҳақида гапириб ўтилди.
Талабалар томонидан соҳага оид берилган барча саволларга вакиллар атрофлича жавоб беришди.
ИИВ ҳузуридаги Жазони ижро этиш департаменти Ахборот хизмати