Бухоро вилояти ИИБ бошлиғи полковник Миржамол Миралимов бошчилигида ЙҲХБ ходимлари ўртасида хизмат интизоми ва қонунийликни таъминлаш борасида муҳокама йиғилиши ўтказилди
2023-12-21 19:00:00 / Янгиликлар
Муҳокамада вилоят ҳудудида намунали ҳаракат хавфсизлигини таъминлаш чора-тадбирлари, шахсий таркиб ўртасида хизмат интизоми ва қонунийликка риоя этилиши борасида амалга оширилган ишлар танқидий таҳлил қилинди.
Шунингдек, тизимда самарали меҳнат қилиб, жиноятчиликка қарши муросасиз курашган, йўл-транспорт ҳодисаларини олдини олиш борасида жонбозлик кўрсатган бир қатор ходимлар вилоят ИИБ бошлиғининг ташаккурномаси, пул мукофоти ҳамда қимматбаҳо совғалари билан тақдирланди.
Ўз ишига совуққонлик билан қараган бир қатор ходимларга қаттиқ огоҳлантиришлар берилиб, келгусида хизмат интизоми ва қонунийликка риоя этмаган ходимларга қатъий таъсир чоралари қўлланиши юзасидан қарорлар қабул қилинди.
Бухоро вилояти ИИБ Ахборот хизмати