Андижон вилояти ИИБда рақамли трансформация жараёнларини жадаллаштириш бўйича ўқув семинари ўтказилди
2025-03-09 12:25:00 / Янгиликлар
Маълумки Президентимизнинг ахборот-коммуникация технологиялари соҳасини янги босқичга олиб чиқиш чора-тадбирлари тўғрисидаги Қарорига асосан Ички ишлар вазирлигининг таркибий ва ҳудудий бўлинмалари фаолиятини рақамлаштириш доирасида «Ягона ҳимояланган электрон ҳужжат айланиш тизими»ни жорий қилиш вазифаси белгиланган.
Мазкур топшириқ ижросини Андижон вилоятида амалга оширилишини таъминлаш мақсадида Ички ишлар вазирлиги ишчи гуруҳи томонидан ўқув семинари ташкил қилинди.
Семинар давомида иштирокчиларга ягона ҳимояланган электрон ҳужжат айланиш тизимини жорий қилишнинг афзаллик ва қулайликлари, жорий қилиш тартиблари етказилди.
Ўтган даврда мазкур соҳада амалга оширилган ишлар таҳлил қилиниб, олдинда турган устувор вазифалар белгилаб олинди.
Андижон вилояти ИИБ Ахборот хизмати