Сурхондарё вилояти Транспорт ва туризм объектларида хавфсизликни таъминлаш бошқармаси ходимларига бир қатор устувор вазифалар белгиланди
2025-03-07 09:30:00 / Янгиликлар
Сурхондарё вилояти транспортда хавфсизликни таъминлаш бошқармаси ходимларининг хизмат фаолияти билан яқиндан танишилиб, транспорт объектларида бахтсиз ҳодисаларнинг барвақт олдини олиш, хусусан вокзал ва аэропорт ишчилари, йўловчи фуқаролар ўртасида ҳуқуқбузарлик ва жиноятларнинг олдини олиш ва уларнинг профилактикаси, жамоат тартибини сақлаш, фуқаролар ҳушёрлиги ва огоҳлигини ошириш ҳамда ходимлар ўртасида ижро интизоми, қонунчилик талабларига қатъий риоя қилишлари, ходимларнинг хизмат фаолияти устидан кунлик назоратни кучайтириш, коррупцияга йўл қўймаслик бўйича масъул ходимларга кўрсатмалар берилди.
Шундан сўнг Сурхондарё вилояти Ички ишлар бошқармаси Хавфсиз туризмни таъминлаш бошқармасида ўрганиш ишларини олиб борилди. Вилоятнинг бевосита туризм намойиши объектлари ва инфратузилмаси ҳудудларида жамоат тартибини сақлаш, ҳуқуқбузарликларнинг барвақт олдини олиш ва жиноятчиликка қарши курашиш соҳасида амалга оширилган ишларни бирма-бир таҳлил қилинди.
Шунингдек, вилоят транспортда хавфсизликни таъминлаш бошқармаси хизмат ҳудудларидаги йўловчи фуқаролар ҳамда юртимизга ташриф буюраётган сайёҳларга яратилган шароитлар ўрганилиб, бу борада олиб борилаётган ислоҳотларни жадаллаштириш, объектлардаги ишчиларнинг фаолияти устидан назоратни кучайтириш, бўйича бир қатор кўрсатмалар берилди.
ИИВ Транспорт вa туризм объектларида хавфсизликни таъминлаш департаменти Ахборот гуруҳи