Қашқадарё вилояти Шаҳрисабз шаҳрида вилоятдаги 6 та шаҳар-туманларга хизмат кўрсатишга мўлжалланган, 65 ўринли маъмурий қамоққа олинган шахсларни сақлаш Махсус қабулхонаси ўз фаолиятини бошлади.

Жорий йилнинг 1-декабрь куни мазкур қабулхонанинг очилиш маросими бўлиб ўтди. Тадбирда Ўзбекистон Республикаси Ички ишлар вазири ўринбосари генерал-майор Б.Т.Абдуллаев, вилоят ИИБ раҳбарияти, Шаҳрисабз шаҳар сектор раҳбарлари, МФЙ нуронийлари ва бошқалар иштирок этишди.

Ўзбекистон Республикаси Ички ишлар вазири ўринбосари генерал-майор Б.Т.Абдуллаев сўзга чиқиб, ҳозирда ИИОда олиб борилаётган ўзгаришлар ва янгиланишлар, махсус қабулхонада яратилган шарт-шароитлар хусусида тўхталиб, қабулхонада хизмат фаолиятини бошлаётган ходимларга омад тилади. 

Шундан сўнг, Вазир ўринбосари генерал-майор Б.Т.Абдуллаев ва сектор раҳбарлари иштирокида махсус қабулхона очилиб, тадбир иштирокчилари томонидан қабулхонада яратилган шарт-шароитлар кўздан кечирилди.