Фарғона ва Андижон вилоятларида Президент Қарори ижроси юзасидан бир қатор ишлар амалга оширилмоқда
2025-02-21 11:55:00 / Янгиликлар
Президентимизнинг “2025 йилда республика маҳаллаларида хавфсиз муҳитни яратиш ва ҳуқуқбузарликларнинг барвақт олдини олиш тизими самарадорлигини янада ошириш бўйича чора-тадбирлар тўғрисида”ги Қарори ижросини таъминлаш мақсадида, “Хавфсиз шаҳар” тизимларини ривожлантириш маркази томонидан Фарғона ва Андижон вилоятларининг “қизил” тоифага киритилган маҳаллаларида интеллектуал видеокузатув камераларини ўрнатиш ишлари амалга оширилмоқда.
Қарорга асосан, Фарғона вилояти ҳудудидаги 147 та, Андижон вилояти ҳудудидаги 118 та “қизил” тоифага киритилган маҳаллаларда ўрганиш ишлари олиб борилиб, бугунги кунда марказ томонидан интеллектуал видеокузатув камералари ўрнатилмоқда.
Бу интеллектуал видеокузатув камералари ҳар бир маҳалланинг асосий кириш ва чиқиш жойларида, аҳоли хонадонлари, кўча ва жамоат жойларида, маиший ва хизмат кўрсатиш шохобчалари, мулкчилик шаклидан қатъий назар корхона ва ташкилотлар олдида ўрнатилади ҳамда вилоят Вазиятлар марказларига интеграция қилиниши таъминланади.
“Хавфсиз шаҳар” тизимларини ривожлантириш маркази