Вазир ўринбосари генерал-майор Баходир Мирзарахимов Бухоро вилояти Ички ишлар бошқармаси Хавфсиз туризмни таъминлаш бошқармаси фаолияти билан яқиндан танишди
2025-02-12 10:00:00 / Янгиликлар
Мамлакатимизда сайёҳларни жалб қилиш учун сўнгги йилларда нафақат тарихий ва маданий тадбирлар, шунингдек, жаҳон миқёсидаги спорт мусобақалари, дам олиш туристик масканлари, кўргазма намойишлари, илмий конференцияларни уюштириш билан ушбу йўналишда сайёҳлар оқимини жалб қилиш яхши анъанага айланиб бормоқда.
Мазкур туристик объектларда бахтсиз ҳодисалар, жиноят ва ҳуқуқбузарликларнинг барвақт олдини олиш борасида вазир ўринбосари генерал майор Баходир Юлдашевич Мирзарахимов томонидан Бухоро вилояти Ички ишлар бошқармаси Хавфсиз туризмни таъминлаш бошқармасида ўрганиш ишларини олиб борди.
Вазир ўринбосари вилоятнинг бевосита туризм намойиши объектлари ва инфратузилмаси ҳудудларида жамоат тартибини сақлаш, ҳуқуқбузарликларнинг барвақт олдини олиш ва жиноятчиликка қарши курашиш соҳасида амалга оширилган ишларни бирма-бир таҳлил қилди.
Йўл қўйилган камчиликлардан келиб чиқиб, туризм намойиши объектлари ва инфратузилмаси ҳудудларида криминоген вазиятни тизимли таҳлил қилиш, маҳаллий ва хорижий сайёҳларга нисбатан содир этиладиган ҳуқуқбузарликлар сабаблари ва шароитларини аниқлаш ҳамда уларни бартараф этиш юзасидан тегишли топшириқлар берилди.
Шунингдек, 2025 йил учун мўлжалланган бир қатор манзилли чора-тадбирларни жадаллаштириш, хусусан маҳаллий ва хорижий сайёҳлар хавфсизлигини таъминлаш, жиноят ва ҳуқуқбузарликларнинг барвақт олдини олиш, ходимларнинг хизмат фаолияти устидан кунлик назоратни кучайтириш, хизмат ва ижро интизоми, қонунчилик талабларига қатъий риоя қилишлари, коррупцияга йўл қўймаслик бўйича йўриқномалар берилди.
ИИВ Транспорт вa туризм объектларида хавфсизликни таъминлаш департаменти Ахборот гуруҳи