Ушбу йиғилиш муҳим мавзуларни қамраб олиб, касаба уюшмаларининг ривожланишига ҳамда ходимларнинг ҳуқуқларини янада мустаҳкамлашга хизмат қилди.

Йиғилишда касаба уюшмаларидаги сайлов жараёнларининг шаффоф ва демократик тамойиллар асосида ўтишини таъминлаш муҳимлиги таъкидланди.

Айниқса, номзодларнинг эркин сайланиши, яширин овоз бериш жараёнининг тўғри ташкил этилиши масалаларига алоҳида эътибор қаратилди.

Касаба уюшмалари ва ички ишлар вазирлиги ҳамкорлигида, ходимларнинг ҳуқуқлари поймол этилишининг олдини олиш, уларнинг хавфсиз ва қулай меҳнат шароитларида ишлашларини таъминлаш бўйича ҳам чора-тадбирлар белгиланди.

Ходимлар ва иш берувчилар ўртасидаги мувозанатни сақлаш, келишмовчиликларнинг олдини олиш муҳим вазифа сифатида қайд этилди. Касаба уюшмаларининг замонавий ёндашувларга асосланган ҳолда фаолият юритиши лозимлиги таъкидланди.

Электрон бошқарув тизимларини жорий қилиш, касаба уюшмалари орқали меҳнат низоларини ҳал қилиш жараёнларини тезлаштириш ва ходимларнинг мурожаатларига тезкор жавоб бериш механизмларини кучайтириш бўйича таклифлар илгари сурилди.

Ички ишлар вазирлигида бўлиб ўтган ушбу йиғилиш касаба уюшмаларида олдинда турган ҳисобот-сайлов жараёнларини самарали ўтказиш учун муҳим қадам бўлди.

У касаба уюшмаларининг янада демократик, шаффоф ва самарали фаолият юритишига, ходимларнинг ҳуқуқ ва манфаатларини мустаҳкамлашга хизмат қилади.

Йиғилиш натижалари касаба уюшмалари тизимини янада ривожлантириш ва ходимларнинг турмуш сифатини оширишга йўналтирилган муҳим қарорларни қабул қилишга туртки бўлди.

ИИВ Маънавий-маърифий ишлар ва кадрлар билан таъминлаш департаменти