“Фидойи аёл ходима” кўрик-танловининг Андижон вилояти ҳудудий саралаш босқичи бўлиб ўтди
2025-01-24 17:45:00 / Янгиликлар
Андижон вилояти ички ишлар органларида хизмат олиб бораётган шаҳодатланган аёл ходималарнинг касбий билим ва малакаларини ошириш мақсадида турли спорт мусобақалари ўтказилмоқда.
Хусусан, ўтказилган “Фидойи аёл ходима” кўрик-танловида ходималар 1000 метр масофага югуриш, комплекс машқлар, “Макаров“ тўппончасини тўлиқсиз қисмларга ажратиш, йиғиш ва амалий ўқ отиш машғулотлари ҳамда электрон тест синови шартларида бор билим ва кўникмаларини намоён этдилар.
Якунда улар орасидан энг юқори натижани қўлга киритганлари ҳакамлар ҳайʼати кўмагида саралаб олинди.
Андижон вилояти ИИБ Ахборот хизмати