Йўл инфратузилмасини яхшилаш, тирбандликларни олдини олиш, ҳаракат иштирокчилари учун қулай ва хавфсиз шароит яратиш мақсадида мамлакатимизда қатор лойиҳа ва тадбирлар амалга оширилмоқда. Шу доирада, Тошкент шаҳрининг Яшнобод туманида КҲАЙ кўчасини Махтумқули кўчасига улайдиган қўшимча йўл тармоғида замонавий технологиялардан фойдаланган ҳолда таъмирлаш ишлари олиб борилмоқда.

ИИВ ЖХД ЙҲХХ бошлиғи, полковник Шерзод Ибрагимов объектда олиб борилган ишлар билан шахсан танишди. Таъмирлаш жараёни ва йўл сифатига алоҳида эътибор қаратиб, ҳайдовчиларга максимал даражада қулай шароитлар яратиш муҳимлигини таъкидлади.

Янги йўл тармоғининг фойдаланишга топширилиши нафақат ҳайдовчилар, балки йўловчилар учун ҳам қулайлик яратиб, шаҳар йўл инфратузилмасини янада ривожлантириш йўлидаги яна бир қадам бўлади.

ИИВ Йўл ҳаракати хавфсизлиги хизмати Ахборот хизмати