Қашқадарё вилояти ички ишлар органлари аёл ходималари-нинг хизмат интизоми ва қонунчиликка риоя этиши, коррупцион жиноятларга муросасиз бўлишини таъминлаш, улар ўртасида жамоавий муҳитни яхшилашга алоҳида эътибор қаратилмоқда.

Ички ишлар органлари ходималарнинг билими, китобхонлик даражасини ошириш ниҳоятда муҳим вазифадир, — дейди вилоят ИИБ Маънавий-маърифий ишлар ва кадрлар билан таъминлаш хизмати бошлиғининг хотин-қизлар масалалари бўйича ўринбосари, подполковник Зарина Кенжаева. — Шуни инобатга олган ҳолда, ўтган йили китобхонлик мусобақаси, ўнга яқин «Заковат» интеллектуал ўйинларини, «Фидойи аёл ходима» кўрик-танловини ташкил этдик.

Қолаверса, Хива, Бухоро ва Самар-қанд шаҳарларига, вилоятдаги диққатга сазовор қадамжоларга уюштирилган саёҳатлар, «Ватанпарвар боғи», «Қатағон қурбонлари» музейларига қилинган экскурсиялар, театр томошалари аёл ходималарда унутилмас таассурот қолдирди.

Ҳозирги кунда «ходимбай» ишлаш тизими яхши самара бермоқда. Шу боис мазкур йўналишда иш олиб борилиб, тизимдаги хотин-қизларнинг турмуш шароити ва хизмат жойлари ўрганилиб, аниқланган камчиликларни бартараф этиш чоралари кўрилди. Ходималарнинг оила аъзолари, ота-оналари иштирокида ўтган йигирмадан ортиқ йиғилишлар, 100 ортиқ ўтказилган индивидуал суҳбатлар ҳам хизмат фаолияти натижадорлигига эришишда муҳим ўрин тутди.

Амалга оширилаётган ишлар ўзининг ижобий натижасини бераётгани қувонарли ҳол. Масалан, ўтган йили Қарши шаҳрида бўлиб ўтган «Ички ишлар органлари ёш ходимлари ва ҳарбий хизматчиларнинг ИИВ Республика ёшлар форуми»да вилоят ИИБ хотин-қизлар жамоаси ҳарбий эстафета, парамедик, соҳил волейболи йўналишларида фахрли биринчи ва иккинчи ўринларни, Бухоро шаҳрида ўтказилган «Тўмарис издошлари» мусобақасида эса иккинчи ўринни қўлга киритишди.

Ҳозирги кунда вилоят ИИБ ТВБСО ходими, кичик сержант Ўғилой Жуманова, Китоб тумани ИИБ ЖХХ ҲПБ хотин-қизлар масалалари бўйича катта инспектори, майор Дилабза Севинова, Қарши тумани ИИБ ЖХХ ҲПБ хотин-қизлар масалалари бўйича катта инспектори, катта лейтенант Барчиной Авазова, вилоят ИИБ М ва ФРБ канцелярия бошлиғи, сафдор Чарос Шамсуддинова каби ходимларимиз намунали хизмат қилиб, ўзларининг касб маҳоратларини ёшларга ўргатиб келишмоқда.

©️ “Postda” газетаси, Содиқ Раҳимов, Қашқадарё вилояти.