Ички ишлар вазирлигининг Маданият саройида Ўзбекистон волейбол федерациясининг 2024 йил давомида амалга оширган ишлари ва ютуқлари сарҳисобига бағишланган йил тақдимоти бўлиб ўтди. Унда Ўзбекистон волейбол федерацияси раисининг биринчи ўринбосари Бекмурод Абдуллаев ҳамда қатор ташкилотлар раҳбарлари иштирок этишди.

Тадбир давомида катталар — эркаклар ва аёллар ўртасида ўтказилган «Ўзбекистон кубоги»нинг ғолиб ва совриндорлари тақдирланди. Шунингдек, турли ёш тоифасида «Йилнинг энг яхши ўйинчи» номинация ғолиблари эълон қилинди. Йил давомида юртимизда волейбол спортини ривожлантириш, миллий терма жамоамизнинг нуфузли ўринларни эгаллашида сидқидилдан хизмат қилган мураббийларимизга ҳам эсдалик совғалари билан тақдирланди. Юртимизда ўтказилаётган халқаро ва маҳаллий мусобақаларни шаффоф ўтишида яқиндан ёрдам берган ҳакамларимизга статуэткалар ҳамда эсдалик совғалари топширилди.

Тақдимот сўнггида эса йиғилганларга Ички ишлар вазирлигининг ашула ва рақс ансамбли ижросида турли куй-қошиқлар тақдим этилди.

ИИВ ЖХД Ахборот хизмати