Бугунги кунда ички ишлар органлари ходимларининг зиммасига юклатилган жиноятларнинг олдини олиш, уларни иссиқ изидан очиш, жамоат хавфсизлигини таъминлашдек шарафли, айни вақтда машаққатли касбда аёллар ҳам эркаклар билан елкама-елка туриб меҳнат қилмоқдалар.

Ташкил этилган интеллектуал ўйинда турли хизмат соҳаларидан ташкил топган 8 та жамоа ўзаро баҳс олиб борди.

Муросасиз беллашувлар якуний натижасига кўра «Матонат» жамоаси 3-ўринни, «Тўмарис» жамоаси 2-ўринни ҳамда «Фемида» жамоаси фахрли 1-ўринни қўлга киритди.

Ғолиб ва совриндорларга диплом ва қимматбаҳо совғалар бошқарма бошлиғининг ўринбосари подполковник Жонибек Давронов томонидан тантанали равишда топширилди.

Ташкил этилаётган бу каби тадбирлар аёл ходимларнинг ишга бўлган иштиёқини янада оширишга, улар ўртасида аҳиллик ва бирдамликни кучайтиришга хизмат қилиши билан аҳамиятлидир.

Андижон вилояти ИИБ Ахборот хизмати