Жорий йилнинг 13-14 декабрь кунлари «Динамо» Жисмоний тарбия ва спорт жамияти Самарқанд вилояти кенгашининг спорт мусобақалари ўтказиш тақвим-режасига асосан Самарқанд вилоятидаги ҳуқуқни муҳофаза қилувчи органлар ходимлари ҳамда ҳарбий хизматчилар ўртасида минифутбол бўйича вилоят «Динамо» биринчилиги мусобақаси ўтказилди.

Мусобақа кескин ва муросасиз жараёнларга бой бўлди. Унда иштирок этган ҳар бир жамоа ғолиблик учун астойдил беллашдилар.

Мусобақалар якунига кўра, 3-ўрин Самарқанд вилояти ИИБ терма жамоасига, 2-ўрин вилоят ИИБ ТВБСО жамоасига ва фахрли 1-ўрин Миллий гвардия вилоят бошқармасининг Қўриқлаш хизмати жамоасига насиб этди.

Самарқанд вилояти ИИБ Ахборот хизмати