“Ўзбекистонда янги уйғониш — Учинчи Ренессанс” даврида Янги Ўзбекистонни барпо этишнинг илк кунлариданоқ Муҳтарам Президентимиз томонидан иккита масала, яъни аҳоли саломатлиги ва хавфсизлигини таъминлаш давлат сиёсати даражасига кўтарилди.

Қувонарли томони шунда-ки, ҳар бир ходим учун спорт билан шуғулланиш – кунлик ҳаёт тарзига айланмоқда.

Соҳада, айниқса, кураш, самбо, дзюдо, бокс, футбол, қўл жанги каби спорт турлари билан профессионал даражада шуғулланаётган ходимларимиз сони кўпаймоқда.

Ўзбекистон Республикаси ИИВнинг 2024 йилнинг 30 ноябрь кунидаги “Ўзбекистон Республикаси Қуролли Кучлари ва ҳуқуқни муҳофаза қилувчи органлар ҳарбий хизматчи ва ходимлари ўртасида спортнинг кураш тури бўйича “Ички ишлар вазири кубоги” мусобақасини ўтказиш тўғрисида”ги тегишли буйруғига асосан жорий йилнинг 10-11-декабрь кунлари Сурхондарё вилоятининг Термиз шаҳридаги “Алпомиш кураш спорт мажмуаси”да “Ўзбекистон Республикаси Қуролли Кучлари ва ҳуқуқни муҳофаза қилувчи органлари ҳарбий хизматчилари ҳамда ходимлари ўртасида спортнинг кураш тури бўйича “Ички ишлар вазири кубоги” мусобақаси бўлиб ўтди.

Мусобақанинг тақдирлаш маросимида вилоят ҳуқуқ-тартибот идоралари раҳбарлари ҳам иштирок этишди.

Тадбирда вилоят ИИБ бошлиғи полковник Тимур Исмаилов сўзга чиқиб, сўнгги йилларда юртимизда олиб борилаётган ислоҳотлар, спортга бўлган эътибор ҳақида сўз юритиб мусобақа иштирокчиларига омадлар тилади.

Спортнинг кураш тури бўйича “Ички ишлар вазири кубоги” мусобақасида иштирок этган спортчилар ўзларининг кучлари, чаққонлиги ҳамда кураш усулларидан фойдаланган ҳолда қизғин курашлар олиб боришди.

Унга кўра умум-жамоа ҳисобида 1-ўрин Давлат хавфсизлиги хизмати терма-жамоаси, 2-ўрин Ички ишлар вазирлиги терма-жамоаси ҳамда 3-ўрин Мудофаа вазирлиги терма-жамоасига насиб этди.

Мусобақада иштирок этган ходимлар ва совриндорлар қимматбаҳо ҳамда эсдалик совғалари билан тақдирланишди.

Сурхондарё вилояти ИИБ Ахборот хизмати