Ички ишлар вазирлиги Жамоат хавфсизлиги департаменти Йўл ҳаракати хавфсизлиги хизмати бошлиғи полковник Шерзод Ибрагимов бошчилигидаги ишчи гуруҳ пойтахтимиздаги муаммоли чорраҳаларда ўрганиш ишларини давом эттирмоқда.

Бугун ишчи гуруҳ Чилонзор тумани, Бунёдкор шоҳ кўчасида ва Учтепа тумани, КҲАЙ-Ҳамроқул Турсунқулов кўчалари кесишган чорраҳада тирбандликларни олдини олиш ҳамда ҳаракат иштирокчилари учун қулайликлар яратиш, хавфсиз ҳаракатни ташкил этиш бўйича, шунингдек, пиёдалар учун қурилаётган ер ости ўтиш жойларидаги ишлар билан танишдилар.

Масъулларга аниқланган ва юзага келиши мумкин бўлган камчиликларни бартараф этиш бўйича вазифалар берилди.

ИИВ Йўл ҳаракати хавфсизлиги хизмати Ахборот хизмати