Ички ишлар вазири ўринбосари генерал-майор Бекмурод Абдуллаев талаба ва ёшларнинг мавжуд муаммоларини бартараф этиш мақсадида сайёр қабул ўтказди
2024-10-21 09:00:00 / Янгиликлар
Жорий йилнинг 19 октябрь куни Ўзбекистон Республикаси Ички ишлар вазири ўринбосари генерал-майор Бекмурод Абдуллаев Тошкент шаҳар Олмазор туманидаги талаба ва ёшларнинг мавжуд муаммоларини бартараф этиш мақсадида сайёр қабул ўтказди.
Қабул давомида 100 дан ортиқ ёшларнинг турли масалалардаги мурожаатлари кўриб чиқилди ва жойида ижобий ҳал этилиб, муддат талаб этганлари эса тегишлилиги бўйича масъулларга бириктирилди ҳамда ижроси алоҳида назоратга олинди.
Шундан сўнг, ИИВ Ашула ва рақс ансамбли ҳамда таниқли санъаткорлари ижросида куй-қўшиқлар намойиш этилди.
Тантанали тадбирда ўн мингга яқин ёшлар иштирок этиб ўтказилган концерт дастури ёшларда ёдда қоларли таассурот қолдирди.
ИИВ Жамоат хавфсизлиги департаменти Ахборот хизмати