Қашқадарё вилояти ички ишлар органларида хизмат қилаётган хотин-қизларнинг маънавий маърифий билими, салоҳиятини ошириш мақсадида Заковат интеллектуал ўйини ўтказилди
2024-10-13 16:10:00 / Янгиликлар
Қашқадарё вилояти ички ишлар бошқармаси таркибий бўлимлари, соҳавий хизматлари, шаҳар-туман ички ишлар бўлимларида хизмат қилаётган шаҳодатланган ва эркин ёлланма хотин-қизларнинг интеллектуал билим даражасини, маънавий-ахлоқий савиясини ошириш, салоҳият ҳамда иқтидорини ошириш мақсадида “Заковат” интеллектуал ўйини ўтказилди.
Қизғин ва муросасиз баҳсларда соҳа маликалари жамоавий таркибда бор билим ва иқтидорларини ишга солиб ғолиблик учун курашдилар.
Интеллектуал ўйини натижаларига кўра, 1-ўринни вилоят ички ишлар бошқармасининг “Тўмарис” жамоаси қўлга киритди. 2-ўринни “Нодирабегим” ҳамда иккита 3-ўринни Тиббиёт бўлими ва вазирлик академик лицейи жамоалари банд этишди.
Ғолиб жамоаларга вилоят ички ишлар бошқармасининг ғолиблик дипломи ва совғалари топширилди.
Қашқадарё вилояти ИИБ Ахборот хизмати